Qadınlardan ibarət şahmat üzrə millimiz noyabr 17-24-ü aralığında İspaniyanın Linares şəhərində keçiriləcək Dünya Çempionatında iştirak edəcək.
Belə ki, Əlcəzair turnirdə iştirakdan imtina etdikdən sonra Beynəlxalq Şahmat Federasiyası boş qalan yerə namizədlər arasında, ən yüksək reytinqi malik olan millimizi dəvət edib.
Beləliklə, A qrupunda yer alan yığmamız ABŞ, İspaniya, Qazaxıstan, Peru və FİDE komandası ilə qarşılaşacaq. B qrupunda Çin, Gürcüstan, Ukrayna, Fransa, Özbəkistan və Hindistan mübarizə aparacaq. Millinin heyətində Ülviyyə Fətəliyeva, Gövhər Beydullayeva, Xanım Balacayeva, Gülnar Məmmədova və Ayan Allahverdiyeva çxış edəcək.
