“Beşiktaş”ın braziliyalı müdafiəçisi Qabriel Paulista şəxsi və ailəvi səbəblərdən komandadan ayrılmaq istədiyini rəhbərliyə bildirib. Təcrübəli futbolçunun vətəni Braziliyaya qayıtmaq niyyətində olduğunu söyləyib.

“HT Spor”un məlumatına görə, transfer pəncərəsinin yaxınlaşması ilə “Beşiktaş”da heyətə birbaşa təsir edəcək ciddi ayrılıq ehtimalı yaranıb. Paulistanın bu qərarında ailəvi məsələlərin həlledici rol oynadığı vurğulanır. Klubun bu müraciətə necə cavab verəcəyi maraq doğursa da, artıq qış transfer dövründə futbolçunun gedişi gündəmin əsas mövzusuna çevrilib.Qeyd edək ki, “Beşiktaş” forması ilə 45 rəsmi matça çıxan braziliyalı müdafiəçi, bu oyunlarda 1 qol və 3 məhsuldar ötürmə ilə yadda qalıb.