Bu gün futbol üzrə ölkə kubokunda daha 2 1/4 finalçı məlum olub. “Şamaxı” aşağı divizion təmsilçisi “Baku Sportinq”i minimal hesabla məğlub edib. Yeganə qolu ikinci hissənin ortalarında Abdullahi Şuaybu vurub. Digər oyun daha intriqalı keçib. Qubada keçirilən oyunda “Sabah” ikinci hissədə Coy Mikelslə hesabı açıb. Lakin oyunun sonlarında ikinci hissədə meydana girmiş İbrahim Əliyev penalti ilə bərabərlik qolunu vurub. Heç-heçə bitən oyunun əlavə vaxtında sonradan oyuna daxil olan Kahim Parris bakılıları yenidən irəli çıxarıb.
“Şamaxı” – “Baku Sportinq” 1:0
Şamaxı şəhər stadionu
Baş hakim: İnqilab Məmmədov
Qol: Şuaybu, 69.
“İmişli” – “Sabah” 1:2-əlavə vaxtda
Quba Olimpiya İdman Kompleksi stadionu
Baş hakim: Kamal Ümidli
Qollar: İ. Əlyev, 89 – Coy-Lens Mikels, 59. K. Parris, 96.
Günün üçüncü oyunu saat 19:00-da başlayacaq.
“Qarabağ” – “Karvan-Yevlax”
Bakı, “Azərsun Arena” stadionu
Baş hakim: Əliyar Ağayev
Bu mərhələnin qalan 3 oyun isə sabah keçiriləcək.