“Marsel”in forvardı Pyer-Emerik Obameyanq “Canal+”a müsahibəsində 2022-ci ildə “Barselona”dan “Çelsi”yə keçidini karyerasının ən böyük səhvi olduğunu vurğulayıb. Həmin dönəmi xatırlayan qabonlu futbolçu belə deyib: “Barselona”da işlərim pis gedirdi, üstəlik soyğunçuların hücumuna məruz qalmışdım. “Barsa” isə oyunçularından birini, məni və ya Memfis Depay satmalıydı. Yeganə təklif isə “Çelsi”dən idi. Mən ailəm xatirinə getməyə qərar verdim. Ona görə də onlara dedim ki, “yaxşı, hətta “Çelsi” olsa da, belə ailəm üçün gedərəm”
Düşünürdüm ki, bəlkə də hər şey yoluna düşəcək. Ancaq belə olmadı. Olivye Jiru “Arsenal”dan “Çelsi”yə gəldi və heç bir problem yaşamadı. Ancaq mənim üçün işlər fərqli oldu. Sonra başa düşdüm ki, “Celsi”yə keçmək səhv idi, özüdə böyük bir səhv”.
Xatırladaq ki, 2022-ci ilin avqustunda Obameyanq silahlı soyğunun qurbanı olub. Nəticədə ona 700 min avro ziyan dəyəib. Üstəlik soyğuçular hadisə zamanı həyat yoldaşını qorumağa çalışan hücumçunun çənəsini ov tüfənginin qundağı ilə sındırıblar.