Gecənin ilk başlayan oyunları arasında Norveç millisinin estoniya ilə görüşü maraqla gözlənilirdi. Burada heç kim estonların sensasiya edəcəyini gözləmirdi. Haaland və Sörlot kimi hücum tandemi ilə norveçlilərin qələbə qazanacağı heç kimdə şübhə doğurmurdu. Maraq ondan ibarət idi ki, qələbə təqdirində Norveç faktiki olaraq DÇ-yə vəsiqə qazanacaqdı. Məhz belə də oldu. Hücum tandemi birlikdə 4 qol vuraraq Norveçi mundiala daşıdı. Macarıstan isə səfərdə minimal hesabla Ermənistanı məğlub edərək ən azı ikinci yeri təmin etdi. Azərbaycan millisinin autsayder olduğu D qrupunda isə Fransa DÇ-yə vəsiqəni təmin etdi. İkinci sıraya hələ də şamsını saxlayan Ukrayna millisinin qapısına 4 cavabsız top vuran fransızlar Bakıdakı oyuna heç bir turnir iddiası olmadan gələcək. Mbappe vurduğu 2 topla karyerasındakı qolların sayını 400-ə çatdırdı.
Portuqaliya isə mundiala vəsiqəni təmin edə bilmədi. İrlandiya öz meydanında şəksiz qələbə ilə portəgizləri son turu gözləməyə məcbur etdi. Burad son tur daha maraqlı olacaq. Portuqaliya birinci yeri tutmaq üçün Ermənistanı məğlub etməlidir. Macarıstan – İralandiya oyunu isə vəsiqə uğrunda savaşa çevrildi.
İngiltərə Serbiya üzərində rahat qələbə ilə DÇ-də yerini təmin etdi.
D qrupu
Azərbaycan – İslandiya 0:2
A. Qudmundsson, 20. S. İnqason, 39.
Fransa – Ukrayna 4:0
Mbappe, 55-p; 83. Olise, 76. Ekitike, 88.
F qrupu
Ermənistan – Macarıstan 0:1
B. Varqa, 33.
İrlandiya – Portuqaliya 2:0
Troy Perrot, 17; 45.
I qrupu
Norveç – Estoniya 4:1
Sörlot, 50; 52, Haaland, 56; 62 – Saarma, 64.
Moldova – İtaliya 0:2
Mançini, 88. Espozito, 90+3.
K qrupu
İngiltərə – Serbiya 2:0
Saka, 28. Eze, 90.
Andorra – Albaniya 0:1
Aslani, 67.
