Bakıda keçirilən qarşılaşmada “Neftçi” böyük üstünlüyə baxmayaraq “Karvan-Yevlax”ın qapısından yol tapa bilmədi. Oyunun əsas qəhrəmanı qonaqların qapıçısı Kamran İbrahimov oldu. O, bir neçə real qol epizodunda möhtəşəm qurtarışlarla komandasını xilas etdi. Xüsusilə, 70-ci dəqiqədə Varqasla təkbətək dueldən qalib ayrıldı, bir dəqiqə sonra isə Varqasın ötürməsindən sonra Luis Ortisin yaxın məsafədən başla zərbəsini fantastik reaksiya ilə dəf etdi. Oyunun sonlarında “Neftçi”nin hücumları nəticə vermədi və qarşılaşma qolsuz başa çatdı.
Bu nəticə ilə “Neftçi” mövsümdə artıq 3-cü dəfə qolsuz bərabərliyə razılaşmalı oldu. “Karvan” isə səfərdə çox önəmli xal qazandı.
Premyer-Liqa, 6-cı tur
“Neftçi” – “Karvan-Yevlax” 0:0
“Neftçi”: Kenan Piriç, Sessi D’Almeyda, Emin Mahmudov, Bassala Sambu, Freddi Varqas, İmad Fəraj, Elvin Bədirov, Murad Xaçayev, Luis Ortis, Mustafa Sek, Falaye Sako.
“Karvan-Yevlax”: Kamran İbrahimov, Şakil Sno, Səid İranxan, Olavale Doyeni, Vadim Abdullayev, Piter Kinqs, Kayl Spens, Vitor Roşa, Tompson Qavi, İmani Barker, Eltun Turabov.