Premyer Liqada növbəti turun pərdəsi Bakıda bağlandı. Günün və turun son qarşılaşmasında paytaxt təmsilçisi “Neftçi” öz meydanında “Qəbələ”i ilə qarşılaşdı. “Palms Sports Arena”da baş tutan görüşün taleyini bir qol həll etdi. Matçın 12-ci dəqiqəsində meydan sahiblərinin kapitanı Emin Mahmudov rəqib qapısına yol taparaq komandasını önə keçirdi. Oyunun qalan dəqiqələrində hər iki tərəfin cəhdlərinə baxmayaraq, hesab dəyişməz qaldı.
Qarşılaşmanın son dəqiqələri “Neftçi” üçün gərgin keçdi. Belə ki, 90+1-ci dəqiqədə ikinci sarı vərəqəni alan Elvin Bədəlov meydandan qovularaq komandasını azlıqda qoydu. Buna baxmayaraq, Yuri Vernidubun yetirmələri üstünlüyü qoruya bildilər.
“Neftçi” – “Qəbələ” 1:0 (1:0)
Qol: Mahmudov, 12 (1:0)
Baş hakim: Əliyar Ağayev
“Neftçi”: Kənan Piriç, Emin Mahmudov (k) (Elvin Camalov, 88), Elvin Bədəlov, Falaye Sako, Murad Xaçayev, Emil Səfərov (Xordan Resabala, 61), Murad Məmmədov (Andrey Ştoqrin, 46), Mustafa Sek, İfeanyi Metyu (Edvin Kuç, 71), Bassala Sambu, İmad Faraj (Alessio Kurçi, 88)
“Qəbələ”: Rza Cəfərov, Murad Musayev (k), Nuqay Rəşidov (Turan Manafov, 76), Şahin Şahniyarov (Eduardo Kunde, 46), Eşqin Əhmədov (Nicat Əliyev, 76), İsmahil Akinade, Seydina Keyta, Xayme Siyerra, İsaak Amoa, Domi Massumo (İbrahim Sanqare, 84), Prins Ovusu
Sarı vərəqə: Sambu, Bədəlov, Piriç
Qırmızı vərəqə: Bədəlov, 90+1 (ikinci sarı vərəqəyə görə)