Bu gün FIBA Avropa Kubokunda çıxış edən ölkəmizin iki təmsilçisi növbəti oyunlarını keçirəcək. I qrupunda mübarizə aparan “Neftçi” səfərdə Estoniya “Kalev”i görüçəcək. Bakı vaxtı ilə saat 21:30-da başlayacaq oyun Tallindəki “Kalevi Spordihall”da keçiriləcək.
Qrupun digər görüşündə isə “Abşeron Lions”lə Polşa “Trefl”li üz-üzə. Bu görüş 22:15-də Sopotdakı “Sentennial Sport Hall”da baş tutacaq.
FIBA Çempionlar Liqasının əsas mərhələsində mübarizə aparan “Sabah” da bu gün növbəti matçına çıxacaq. Rimas Kurtinaytisin yetirmələri evdə Fransanın “Elan Şalon” klubu ilə qarşılaşacaq. Saat 20:00-da başlayacaq oyun Milli Gimnastika Arenasında keçiriləcək. Qeyd edək ki, B qrupunda yer basketbolçularmız daha əvvəl fransızlara uduzub – 71:84. “Sabah” həmçinin Çexiyanın “Nimburk” (65:93) və Almaniyanın “Alba” (76:85) komandalarına yenilib.