Türkiyə millisnın baş məşqçisi Vinçenzo Montella, DÇ-2026-ı biletini qazanmaq üçün çıxacaqları taleyüklü Kosovo matçı öncəsi planlarını tamamilə dəyişib. İtalyan mütəxəssis, rəqibin hücum xəttini dayandırmaq üçün meydanda alışılmamış sistemlə yer almağa hazırlaşır.

Rumıniya üzərində qazanılan qələbəyə rəğmən, heyət seçimləri ilə müzakirə hədəfinə çevrilən Montella, bu dəfə ehtiyatı əldən vermək istəmir. Kosovonun Slovakiyanı 4-3 hesabı ilə məğlub etdiyi matçda nümayiş etdirdiyi effektli hücum performansı, Türkiyə düşərgəsində müdafiəni gücləndirmək zərurəti yaradıb.

“Sabah” qəzetinin məlumatına görə, Montella son məşqlərdə 3-5-2 (və ya 3-4-3) variantını ciddi şəkildə sınaqdan keçirib. Taktiki hazırlıqlarda müdafiənin mərkəzi bu üçlüyə həvalə olunub: Ozan Kabak, Samet Akaydın, Abdülkərim Bardakcı.

Müdafiə xəttinin cinahlarında isə həm hücuma dəstək verəcək, həm də rəqib qanad hücumlarının qarşısını alacaq Zeki Çelik və Ferdi Kadıoğlu cütlüyünə üstünlük verilməsi gözlənilir. Montellanın bu radikal dəyişikliklə Kosovonun sürətli hücumçuları zamanı boşluq verməməyi və oyunu mərkəzdən nəzarətdə saxlamağı hədəflədiyi bildirilir.Bu taktiki gedişin həlledici oyunda necə nəticə verəcəyi isə bütün futbol ictimaiyyətinin maraq dairəsindədir. “Ay-ulduz”lu komanda səfərdə qalibə qazanmaqlam undialına vəsiqəni rəsmiləşdirmək niyyətindədir.