Millimiz noyabrın 13-də DÇ-2026-nın seçmə mərhələsinin oyununda Bakıda İslandiya yığmasıyla qarşılaşacaq. Saat 21:00-da başlayacaq görüşü idarə edəcək hakimlər briqadasının adı açıqlanıb. 8-ci km qəsəbə stadionunda baş tutacaq matç Monteneqro və Serbiyadan olan hakimlərə tapşırılıb.
Monteneqrolu baş hakim Nikola Dabanoviçə Vladan Todoroviç və Srcan Yovanoviç kömək edəcək. Dördüncü hakim funksiyasını Miloş Boşkoviç yerinə yetirəcək. VAR-da isə serbiyalı Momçilo Markoviçlə Aleksandar Jivkoviç olacaqlar. 43 yaşlı FİFA referisinin milli komandalar səviyyəsində sonuncu dəfə fit çaldığı rəsmi oyun DÇ-2026-nın seçmə mərhələsinin Belarus – Şotlandiya (1:2) qarşılaşması olub. Onuda deyim ki, hazırda beynəlxalq turnirdə çıxışına qadağa qoyulan russların İran və Boliviya ilə yoldaşlıq oyunlarınıda məhz Dabanoviç idarə edib.