“İnter Mayami”nin hücumçusu Lionel Messi, MLS çərçivəsində keçirilən “Orlando Siti” ilə oyunda (4:2) dubl edərək növbəti uğura imza atıb. Argentinalı ulduz bu qarşılaşmada cərimə zərbəsindən birbaşa qol vuraraq karyerasındakı mühüm bir rəqəmə çatıb. Messi karyerası ərzində cərimə zərbələrindən vurduğu qolların sayını 70-ə çatdırıb. Bu nəticə ilə o, əfsanəvi Pele ilə bərabərləşərək futbol tarixində 2-ci sıraya yüksəlib. Messinin mütləq rekorda – Juninyo Pernambukanonun 77 qolluq nəticəsinə çatması üçün daha 7 qola ehtiyacı var.