“Real”ın hücumçusu Kilian Mbappenin anası Fayza Lamari Madrid təmsilçisindən yüksək məbləğdə ödənişlər alır.
Məlumata görə, “Kral klubu” göstərdiyi “menecer xidmətlərinə” görə Fayza Lamariyə fransalı ulduzun illik maaşının 30%-ni ödəyir. Bu isə illik 4,5 milyon avro deməkdir.
Maraqlıdır ki, Mbappenin anasının qazancı əsas komandanın 8 futbolçusunun maaşından daha yüksəkdir. Hazırda Andrey Lunin, Fran Qarsiya, Raul Asensio, Arda Gülər, Franko Mastantuono, Brahim Dias, Qonsalo Qarsiya və Endrik klubdan Lamari ilə müqayisədə daha az məvacib alırlar.