“Fənərbaxça”nın baş məşqçisi Joze Mourinyo “Feyenoord”la Çempionlar Liqasının 3-cü təsnifat mərhələsi oyunöncəsi mətbuat konfransında göz yaşlarını saxlaya bilməyib. Onun ağlamasına səbəb 54 yaşlı sabiq futbolçu Jorje Koştanın qəfil ölümü olub. Koşta Maurinyonun baş məşqçi kimi böyük zəfər qazandığı  “Portu”nun əsas simalarından olub. 2004-cü ildə sensasiyalı Çempionlar Liqası qələbəsində də Koşta komandanın kapitanı idi.  

Jorje Koşta dünən qəfil ürək tutmasından dünyasını dəyişib. Maurinyo jurnalistlərin Koşta haqqında sualını cavablandırarkən “mənim tariximdən bir parça getdi”, deyə kövrələrək Koştanı xatırlayıb.