Bu gün Avropa Liqasında 7-ci tura yekun vurulacaq. Diqqət İstanbulda baş tutacaq “Fənərbaxça” – “Aston Villa” matçına yönələcək. “Aston Villa”nın baş məşqçisi Unay Emeri matç öncə mətbuat konfransında komandasında ciddi itkilərin olduğunu deyib:”Emi Martines, Bubakar Kamara, Con Maqinn, Allison və Barkli heyətdə olmayacaqlar. Bu beş oyunçu bizimlə gələ bilmədi”.
Matç biletlərinin saniyələr içində tükənməsi və azarkeş təzyiqi ilə bağlı suala ispaniyalı mütəxəssis belə cavab verib: “Təbii ki, bizi çətin oyun gözləyir. ‘Fənərbaxça’ keyfiyyətli və təcrübəli oyunçulardan qurulmuş çox yaxşı komandadır. Stadionda ehtiraslı bir atmosfer olacaq və biz bu oyunu səbirsizliklə gözləyirik. Onlar turnirdə sona qədər getmək potensialına malikdirlər”.
Ötən mövsüm rəhbərliyi altında çıxış etmiş Marko Asensio və Con Duranın indi rəqib qismində qarşısına çıxacağını şərh edən Emeri deyib: “Hər ikisi çox istedadlı oyunçulardır. Asensio olduqca təcrübəlidir, ötən il bizimlə əla mövsüm keçirdi. “Fənərbaxça” belə səviyyəli oyunçuları heyətinə qatmaq gücündə olan komandadır. Duran bura Səudiyyə Ərəbistanından sonra gəlib. Rəqibimizə hörmətlə yanaşırıq, lakin hər iki futbolçunu dayandırmaq üçün əlimizdən gələni edəcəyik.”

22 yanvar 21:45 Bolonya – Seltik
22 yanvar 21:45 Brann – Midtyulland
22 yanvar 21:45 Viktoriya P – Portu
22 yanvar 21:45 Malmö – Srvena Zvezda
22 yanvar 21:45 PAOK – Betis
22 yanvar 21:45 Feyenoord – Şturm
22 yanvar 21:45 Fənərbaxça – Aston Villa CBC Sport, TRT 1
22 yanvar 21:45 Frayburq – Makkabi TƏ
22 yanvar 21:45 Yanq Boyz – Лион
22 yanvar 00:00 Braqa – Nottingem
22 yanvar 00:00 Dinamo Z – Styaua
22 yanvar 00:00 Zaltsburq – Bazel
22 yanvar 00:00 Nitsa – Qou Еxеd
22 yanvar 00:00 Reyncers – Ludoqorets
22 yanvar 00:00 Roma – Ştutqart CBC Sport
22 yanvar 00:00 Selta – Lill
22 yanvar 00:00 Utrext – Genk
22 yanvar 00:00 Ferentsvaroş – Panatinaikos