“Yuventus”un yarımmüdafiəçisi Kenan Yıldız qitənin bir çox aparıcı klubların, o cümlədən “Barselona” və “Çelsi”nin maraq dairəsindədir. Ancaq “Qoca Sinyora” perspektivli futbolçunu heyətində saxlamaq və onunla müqaviləni yeniləmək niyyətindədir. “La Gazzetta dello Sport”un yazdığına görə, “Barselona” rəhbərliyi komandanın hücum xəttində Yıldızl-Yamal cütünü görmək istəyir.
“Transfermarkt” 20 yaşlı türk futbolçunun dəyərini 75 milyon avro qiymətləndirir. Onun “Yuventus”la müqaviləsi 2029-cu ilin yayında bitəcək. Qeyd edək ki, Kenanın adı artıq ikinci ildir ki, dünyanın ən yaxşı gənc oyunçuları siyahısına düşür.