“Qarabağ”ın rəqiblərindən zəif oyun
Çempionlar Liqasının iki debütantı bu dəfə fərqli nəticə qazandı. “Kayrat” “Kopenhagen”lə oyunun sonlarında özünə gəlib 2 qol vursa da, artıq gec idi. Danimarkalılar inamlı oyunla 3 qol vurmuşdular. Qazaxların yeniyetmə ulduzu bu dəfə də fərqlənərək “Çelsi” ilə müqaviləsinin əbəs olmadığını bir daha sübutn etdi. “Pafos” isə oyunun sonlarında 1 xalı qazandıran qolu vurdu. Bu oyunda hesabı açan “Pafos”un braziliyalı yarımmüdafiəçisi David Luis Çempionlar Liqası tarixində qol vuran ikinci ən yaşlı oyunçu oldu. PSJ və “Çelsi”nin keçmiş ulduzu 38 yaş 218 günlüyündə fərqlənib. İndi onu yalnız portuqaliyalı Pepe (40 yaş 290 gün) geridə qoyur. İlk beşlikdə adları çəkilənlərdən başqa Françesko Totti (38 yaş 59 gün), Rayan Giqqz (37 yaş 289 gün) və Serxio Ramos (37 yaş 257 gün) yer alıb.
Turun gec başlayan oyunlarında sensasiyalı və gözlənilməz nəticələr qeydə alındı. “Qarabağ”ın qarşıdakı rəqibləri “Ayntraxt” və “Liverpul” öz meydanlarında böyük hesabla uduzaraq qarşıdakı turlara ümidlərimizi artırdı. “Real” səfərdə “Olimpiakos” hokkey hesabı ilə məğlub etdi. Yunanların 3 qoluna Mbappe pokerlə cavab verdi. Bu gedişlə fransız hücumçu ÇL-in bütün qol rekordlarını qıracaq. Mbappenin keçmiş komandası isə Parisdə “Tottenhem”ə 5 qol vurdu, lakin 3-nü də buraxdı.
Çempionlar Liqası, Əsas mərhələ, 5-ci tur
Kopenhagen – Kayrat 3:2
Dadason, 26. C. Larsson, 59-p. Robert, 73 – Satpayev, 81. Baybek, 90.
Pafos – Monako 2:2
David Luis, 18. Salisu, 88-avtoqol – Minamino, 5. Baloqan, 26.
Ayntraxt – Atalanta 0:3
Lukman, 60. Enderson, 62. de Ketelare, 65.
Arsenal – Bavariya 3:1
Timber, 22. Maduke, 69. Martinelli, 76 – Karl, 32.
Atletiko – İnter 2:1
Xulian Alvares, 9. Xose Mari Ximenes, 90+3 – Zelinski, 54.
Liverpul – PSV 1:4
Soboslai, 16 – İvan Perişiç, 6-p. Til, 56. Drioş, 73; 90+3.
Olimpiakos – Real 3:4
Şikinyo, 8. Taremi, 52. El-Kaabi, 81 – Mbappe, 22; 24; 29; 60.
PSJ – Tottenhem 5:3
Vitinya, 45; 53; 76. Fabian Ruis, 59. Paço, 65 – Rişarlison, 35. Muani, 50; 72.
Sportinq – Brügge 3:0
Kenda, 24. Luis Suares, 31. Trinkan, 70.
