“Qəbələ”nin baş məşqçisi Kaxaber Sxadadze “Araz-Naxçıvan” üzərində qazanılan minimal hesablı qələbəni (1:0) şərh edib. Təcrübəli mütəxəssis hazırlıq prosesinin gedişatından məmnunluğunu ifadə edib: “Rəqibin baş məşqçisi Andrey Demçenko yaxşı tanıdığım, peşəkar bir mütəxəssisdir. Bu, bizim hazırlıq dövründəki ikinci sınaq matçımız idi və komandanın daha inamlı oyun nümayiş etdirdiyini gördüm. Əlverişsiz hava şəraitinə baxmayaraq, meydanda kifayət qədər ciddi mübarizə getdi. Hazırkı mərhələdə nəticə bizim üçün prioritet deyil; əsas məqsədimiz futbolçuların fiziki və taktiki vəziyyətini yoxlamaq idi. Ən sevindirici məqam isə qarşılaşmanı zədəsiz başa vurmağımızdır. Yeni transferimiz Keytanın debütü, eləcə də Akinadenin ikinci oyunu barədə müsbət fikirdəyəm, hər iki futbolçunun performansından razı qaldım“.