“İnter”in prezidenti Cüzeppe Marotta Milanda yeni stadionların tikintisi ilə bağlı çətinliklərdən danışıb və vəziyyət dəyişməsə, hər iki klubun şəhəri tərk edə biləcəyini bildirib.

“Futbolla bağlı olan bir insan kimi bu vəziyyətə görə bir az utanıram. Milanda idman ikinci plana atılıb. Biz “San-Siro”da Çempionlar Liqasının finalını təşkil etmək üçün tələb olunan meyarlara cavab verə bilmirik. Bu stadion Avro-2032-yə də ev sahibliyi etmək icazəsini ala bilmədi.

Bütün bunlar ona görədir ki, 30 il əvvəl siyasətə qoşulmuş və çox konservativ olan bəzi insanlar hələ də anlamırlar ki, “İnter” və “Milan” kimi klublar müasir tələblərə cavab verən yeni stadionu mütləq şəkildə əldə etməlidirlər. Əgər bu məsələ həll olunmasa, hər iki klub şəhəri tərk etməyə məcbur qalacaq. Bu, şəhər üçün dəhşətli nəticə olar. Mən optimistəm, merin gördüyü işləri görürəm və sağlam düşüncənin qalib gələcəyinə ümid edirəm”, — Marottanın sözlərini Football Italia yayıb.