Beynəlxalq Futbol Tarixi və Statistikaları Federasiyası (IFFHS) klubların növbəti dünya reytinqini açıqlayıb. Qurumun rəsmi saytına istinadən xəbər verilir ki, ümumilikdə 502 komandanın yer aldığı siyahıya ölkəmizin 4 klubu daxil edilib.
Klublarımıza gəlincə, təmsilçilərmizdən ikisi mövqeyini yaxşılaşdırdığı halda, digər ikisi geriləyib:
“Qarabağ”: 9 pillə irəliləyərək 200 xalla 60-cı yerdə qərarlaşıb.
“Sabah”: 96 xalla 224-cü pillədən 211-ci sıraya yüksəlib.
“Zirə”: 63 xalla 389-cu yerdən 418-ə düşüb.
“Araz-Naxçıvan”: 59 xalla 456-cı pillədən 468-ci sıraya geriləyib.
Dünya reytinq cədvəlinə Fransanın PSJ klubu başçılıq edir. Paris təmsilçisi 595 xalla siyahıda mütləq liderdir.
Xatırladaq ki, IFFHS reytinqi klubların son 12 ay ərzində həm yerli çempionat, həm də beynəlxalq turnirlərdəki nəticələri əsasında hazırlanır.