Gürcüstan millisinin müdafiəçisi Saba Qoqliçidze “Udineze”yə tranfer olub. Buna qədər “Empoli”nin heyətində çıxış edən 21 yaşlı futbolçu Udine klubu ilə 2030-cu ilə qədər müqavilə imzalayıb. Transferin 4 milyon avro dəyərində olduğu deyilir. İtalyan klubunun mətbuat xidməti yaydığı açıqlamada Qoqliçidzeyə təriflər yağdırıb: “Saba əla fiziki göstəriciləri, texniki hazırlığı və sürəti olan müasir mərkəz müdafiəçisidir”, deyə rəsmi açıqlamada bildirilir.
Qoqliçidze Kutaisi “Torpedo”sunun yetirməsidir. O, 2024-cü ildən Appenin yarımadasında top qovur. Saba ötən mövsüm “Empoli” formasında 33 oyunda meydana çıxıb. Gürcüstan milli komandasında artıq üç oyun keçirib.