İspaniya Superkubokunun finalından sonra “Real”ın prezidenti Florentino Peres və “Barselona”nın hücumçusu Robert Levandovski arasında maraqlı bir hadisə yaşanıb.

Mükafatlandırma mərasimi zamanı Levandovski Pereslə qarşılaşıb. “Real”ın prezidenti birbaşa Robertin üzünə “cabron” deyib. Bu ispan sözü adətən mənfi mənada (keçi, əclaf, alçaq) işlədilsə də, görünür, bu konkret halda Madrid klubunun rəhbəri rəqibin ustalığına özünəməxsus şəkildə ehtiramını bildirib. Levandovski və Peres bu sözün qarşılığında sadəcə gülümsəyərək bir-birləri ilə salamlaşıblar.