Bu gün Qırğızıstanın paytaxtı Bişkek şəhərində sərbəst güləş üzrə beynəlxalq turnir start götürüb. Nüfuzlu yarışda ölkəmizi iki təcrübəli idmançı təmsil edir. Turnirə birbaşa yarımfinal mərhələsindən qoşulan güləşçilərimiz, təəssüf ki, həlledici qarşılaşmalarda rəqiblərinə məğlub olublar. 2023-cü ilin Avropa çempionu olan Əliabbas Rzazadə (57 kq) rusiyalı Naçın Monquşla gərgin keçən görüşdə xalçanı məğlub tərk edib. 2024-cü ilin U-23 dünya çempionatının gümüş mükafatçısı Ruslan Abdullayev (65 kq) isə monqolustanlı rəqibi Tulqa Tumur-Oçirə uduzaraq final şansını itirib.
