Fransa futbolunun və “Bavariya”nın əfsanəsi Frank Riberi əsrin ən böyük qalmaqallarından biri olan Ceffri Epşteyn işi ilə gündəmə gəlib. Açıqlanan yeni sənədlərdə futbolçunun adı ağır cinayətlərdə hallanır.

İddialara görə, Riberi bir bağ evində zərərçəkmiş qadını döyməyə cəhd edib, asayişi qoruyan polis əməkdaşları onu güclə maşına otuzduraraq ərazidən uzaqlaşdırıblar.

 Sənədlərdə qeyd olunur ki, Riberi və vəkili Silven Kormye əyləncə mərkəzlərində 14 yaşlı azyaşlı qızları hədəf seçiblərmiş.  Zərərçəkmiş şəxs iddia edir ki, vəkil Kormye onu döyərkən “bunu mənə Frank tapşırıb” deyib.

Riberinin bu işdə tam olaraq hansı rolu oynadığı hələ hüquqi müstəvidə dəqiqləşməsə də, bu ittihamlar dünya mediasında bomba effekti yaradıb.

Bu, ulduz futbolçunun ilk “azyaşlı” qalmaqalı deyil. Xatırladaq ki, 2010-cu illərin əvvəlində də Riberi azyaşlı fahişə ilə əlaqədə olmaqda ittiham edilmiş və uzun müddət məhkəmə yollarında qalmışdı. Görünən odur ki, köhnə vərdişlər və “Epşteyn siyahısı” Riberinin karyerasına qara ləkə kimi düşməkdə davam edir.