FIFA DÇ-2026-nın püşkatma mərasimində yaşanan olaydan sonra Argentinanın baş məşqçisi Skalonidən üzr istəməyə məcbur olub.

Tədbir zamanı qəribə bir hadisə baş verib.  Lionel Skaloni Dünya Kubokuna toxunmaq istərkən ondan əlcək geyinməsi xahiş olunub. Görünür təşkilatçılar “albiselsta”nı DÇ-2022-də qələbəyə daşıyan məşqçi kimi tanımayıblar. Xatırladaq ki, qaydaya görə Dünya Kubokuna yalnız onu qazananlar əliyalın toxuna bilər. Püşkatmanın ertəsi FIFA Dünya Kuboku proqramının təqdimatı çərçivəsində mərasim təşkil edib.

Bu dəfə səhnəyə dəvət alan Skaloniyə Dünya Kubokuna əlcəksiz toxunmağa icazə verilib.   Püşkatma zamanı başı Donald Trampa qarışan və Skalonini tanımayan dünya futbol qurumunun başçısı Canni İnfantino bu dəfə vəziyyəti düzəltməyə çalışıb: “FIFA adından üzr istəyirəm. Əlbəttə ki, dünya çempionları kuboka toxuna bilərlər. Sadəcə, dünya çempionu olanda sonra cavanlaşırsan və hər gün daha gənc görünürsən”.

Skaloni isə ona yumorla cavab verib:  “Düşünürəm ki, dünən məni başqası ilə səhv saldılar və bu səbəbdən kuboka toxunmağıma icazə vermədilər”.