“Fənərbaxça” rəhbərliyi İrfan Can Kahveci və Cenk Tosunun ardından daha bir oyunçusuna cəza tətbiq edib. “Sarı-lacivətlər” bu dəfə braziliyalı müdafiəçi Rodriqo Bekaonu heyətdən kənarlaşdırıb.

“Fənər”lə müqaviləsi 2028-ci ilin iyun ayına qədər olan Bekao 38 oyunda meydana çıxıb, iki qol vurub və bir məhsuldar ötürmə edib.

Cəzalılardan İrfan Can Kahveci qış transfer dönəmində “Trabzonspor”a keçə bilər. “Fanatik”in xəbərinə görə tabzonluların baş məşqçi Fatih Tekke 28 yaşlı ulduz oyunçunu heyətində görmək istədiyini rəhbərliyə çatdırıb. Klub prezidenti Ertuğrul Doğan onun istəyinə müsbət yanaşıb və yaxın günlərdə rəsmi təmasların başlanacağı gözlənilir.

Qeyd edək ki, “Fənərbaxça” hazırda 33 xalla Superliqanın turnir cədvəlində üçüncü, “Trabzonspor” isə 34 xalla ikinci pillədə yer alır. Kahveciyə gəlincə, o, son oyunlarda əsas heyətdə yerini itirib.