Çempionlar Liqasının pley-off mərhələsinin ilk oyununda “Nyukasl”ın “Qarabağ” üzərindəki böyükhesablı qələbəsində (6:1) əsas pay sahibi olan Entoni Qordon adını turnirin tarixinə yazdırıb. Matçın taleyini həll edən ingiltərəli futbolçu, ilk 45 dəqiqədə rəqib qapısından 4 top keçirərək ÇL-in pley-off mərhələsində bir hissədə ən çox qol vuran oyunçu oldu.
Bundan əlavə, Qordon cari mövsüm avrokuboklarda vurduğu qolların sayını 10-a çatdıraraq klub rekordunu da yeniləyib. Xatırladaq ki, əvvəlki rekord əfsanəvi futbolçu Alan Şirerə məxsus idi.