UEFA Konfrans Liqasının 3-cü təsnifat mərhələsində Kiprin “Omoniya” klubu ilə qarşılaşacaq “Araz-Nsxçıvan”ın baş məşqçisi Elmsr Baxşıyev oyunöncəsi mətbuat konfransında rəqibi tanıdığını söylədi. “Qəbələ”nin baş məşqçisi kimi “Omoniya” ilə sınaqdan keçmiş mütəxəssis bildirib ki, sabah üzləşəcəkləri rəqib fərqli bir komandadır. “Oyuna yaxşı hazırlaşmışıq. “Omoniya”ya qarşı əlimizdən gələni etməyə çalışacağıq. Düşünürəm ki, rəqibi yaxşı təhlil etmişik. Rəqib komanda yaxşı futbolçulardan təşkil olunub. Bizim komandada əsas və ya ehtiyat qüvvə yoxdur. Bütün futbolçular mənim sərəncamımdadır. Nə vaxt ehtiyac olarsa, hər biri meydanda özlərini ən yaxşı tərəfdən göstərməyə hazırdılar”.

Məşqçi sabahkı oyunla bağlı müsbət tonda danışmağı da unutmayıb. “Komanda kimi oyuna hazırıq. İnanırıq ki, uğurlu nəticə mümkündür”, deyən Baxşıyev oyun sistemini dəyişməyəcəklərini deyib. Baxşıyev azarkeşlərə də çağırış edib. O, komandanı tək buraxmamağa, və inanmağa səsləyib və söz verib ki, azarkeşləri sevindirməyə çalışacaqlar.