Dünən gecə futbol üzrə 2026-cı il Dünya Çempionatının Avropa zonası üzrə pley-off mərhələsinin yarımfinal qarşılaşmaları keçirilib. Dörd müxtəlif yolda (“A”, “B”, “C” və “D”) baş tutan oyunlar gözlənilən və gözlənilməz nəticələrlə yadda qalıb.
A yolu: İtaliya inamlıdır, Uels penaltilərdə uduzdu
İtaliya millisi Berqamoda Şimali İrlandiyanı qəbul edib. “Skuadra Adzurra” Tonali və Kinin qolları ilə qələbəni təmin edərək finala yüksəlib. Digər qarşılaşmada isə Uels doğma meydanda Bosniya və Herseqovinanın müqavimətini qıra bilməyib. Penaltilər seriyasında daha dəqiq oynayan bosniyalılar həlledici matça vəsiqə qazanıblar.
İtaliya – Şimali İrlandiya 2:0
Tonali 56, Kin 78
Uels – Bosniya və Herseqovina 1:1pen.-2:4
Ceyms 51; Ceko 86
Final: İtaliya – Bosniya və Herseqovina
B yolu: Dyökereşin het-triki və Polşanın əzmkarlığı
Ukrayna millisi İspaniyada keçirilən “ev” oyununda İsveçə müqavimət göstərə bilməyib. Viktor Dyökereş het-trik edərək gecənin qəhrəmanı olub. Polşa isə Varşavada Albaniya qarşısında geridə olsa da, geri dönüş edərək finala adını yazdırıb.
Ukrayna – İsveç 1:3
Ponomarenko 90 – Dyökereş 4, 51, 73-p
Polşa – Albaniya 2:1
Levandovski, 63. Zelinski 73 – Xoca 42
Final: Polşa – İsveç
C yolu: Kosovo Bratislavada şou göstərdi
Günün ən məhsuldar və dramatik oyunu Bratislavada baş tutub. Yeddi qolun vurulduğu matçda Kosovo Slovakiya səfərindən qələbə ilə dönərək tarixi uğura imza atıb. Türkiyə isə İstanbulda Kadıoğlunun tək qolu ilə Rumıniyanı yolundan kənarlaşdırıb.
Türkiyə – Rumıniya 1:0
Kadıoğlu 53
Slovakiya – Kosovo 3:4
Valyent 6, Qaraslin 45, Strelets 90+5 – Xoca 21, Aslani 47, Musliya 60, Xayrizi 72
Final: Türkiyə – Kosovo
D yolu: Danimarka darmadağınla, Çexiya isə çətinliklə finalda
Danimarka Şimali Makedoniya üzərində aşkar üstünlüklə qalib gəlib. Praqadakı digər oyunda isə Çexiya İrlandiya qarşısında 0:2 hesablı geridönüş edərək penaltilər seriyasında qalib tərəf olub.
Danimarka – Şimali Makedoniya 4:0
Damsqor 49, İsaksen 58, 59, Нöpqоr 75
Çexiya – İrlandiya 2:2 pen.- 4:3
Şik 27-p, Kreyçi 86 – Parrot 19-p, Kovar 23-öz qapısına
Final: Danimarka – Çexiya
Final oyunları martın 31-də Bakı vaxtı ilə saat 22:45 başlayacaq