Beynəlxalq Futbol Tarixi və Statistikaları Federasiyası (IFFHS) 2025-ci ilin ən yaxşı qapıçıları reytinqini açıqlayıb. Ötən ilin yekunlarına görə, IFFHS yay transfer pəncərəsində “PSJ”-ni “Mançester Siti”yə dəyişən Canluici Donnarummanı dünyanın ən yaxşı qapıçısı elan edib. Donnarumma 169 xal toplayıb.
İkinci pillədə “Real”ın qolkiperi Tibo Kurtua (65) qərarlaşıb, ilk üçlüyü isə “İnter”dən Yann Zommer (59) tamamlayıb.
Siyahının davamı belədir: Manuel Noyer (50), David Raya (40), Alisson (24), Emiliano Martines (20), Robert Sançes (15), Cordan Pikford (14), Yassin Bunu (13).
Qeyd edək ki, ötən il IFFHS tərəfindən dünyanın ən yaxşı qapıçısı adını Emiliano Martines qazanmışdı.
