Dünən Sürixdə DÇ-2026-nın pley-off mərhələsinin püşkü atıldı. Xatırladaq ki, mundialada oynamaq şansı verən son 4 vəsiqənin sahibi məhz pley-off matçlarından sonra bəlli olacaq. İlk əvvəl qitələrarası pley-offun cütlər müəyyənləşdi. Beləliklə, FİFA reytinqinə görə ən yaxşı olan İraq finalda Boliviya – Surinama, Konqo DR isə Yeni Kaledoniya – Yamayka cütünün qalibi ilə qarşılaşacaq. Həlledici görüşdə qalib ayrılan iki yığma mundiala yollanacaq. Oyunların hamısı Meksikanın Qvadalaxara və Monterrey şəhərlərində keçiriləcək.
Avropa zonasına gəlincə, 16 komanda 4 vəsiqə uğurunda mübarizə aparacaq. “Köhnə qitə”də püşkdən əvvəl pley-offa qalan yığmalar FİFA reytinqindəki tutduqları yerə uyğun olaraq 4 səbətə bölünmüşdür.

Püşkün nəticəsi ilə tanıç olun:
A yolu
İtaliya – Şimal İrlandiya
Uels – Bosniya və Herseqovina
Final
İtaliya/Şimal İrlandiya – Uels/Bosniya və Herseqovina
B yolu
Ukrayna – İsveç
Polşa – Albaniya
Final
Ukrayna/İsveç – Polşa/Albaniya
C yolu
Türkiyə – Rumıniya
Slovakiya – Kosovo
Final
Türkiyə/Rumıniya – Slovakiya/Kosovo
D yolu
Danimarka – Şimal Makedoniya
Çexiya – İrlandiya
final
Danimarka/Şimal Makedoniya – Çexiya/İrlandiya
Yarımfinal qarşılaşmaları martın 26-da, final görüşləri isə martın 31-də keçiriləcək.