Xəbər verdiyimiz kimi, Libertadores Kubokunun finala bilet ala bilməyən dostları üçün oyunu stadionun yaxınlığındakı dağdan canlı yayımlayan 15 yaşlı Paul Deportes bir gecədə təkcə Cənubi Amerikada deyil, bütün dünyada məhşurlaşmışdı. İndi o, bu məhşurluğun dividentlərindən faydalanmağa başlayıb. Qeyri-adi reportajından sonra ilk öncə vətənində tanınan gənc artıq yerli telekanalların birində Peru liqasının oyununu şərh edib və bundan sonra ona millinin formasını bağışlayıblar. İndi isə “Real”la “Mançester Siti” arasında keçiriləcək Çempionlar Liqası matçını izləmək üçün “Bernabeu”ya dəvət alıb. Bundan başaq tanınmış “Marka” qəzeti onun üçün redaksiyaya eksklüziv tur təşkil edəcək.
