Moldovanın paytaxtı Kişinyovda 23 yaşadək gənclər arasında cüdo üzrə qitə çempionatı başa çatıb. İdmançılarmız 37 ölkənin qatıldığı yarışdan 4 medalla dönüblər.
Yarışın ikinci günu +100 kiloqram çəki dərəcəsində tatamiyə çıxan Kənan Nəsibov qitə çempionu olub. Xəbər verdiyimiz kimi, Ömər Rəcəbli (81 kiloqram) gümüş, Aslan Kotsoyev (90 kiloqram) isə bürünc mükafata qazanıblar. Turnirin ilk günündə İslam Rəhimov (66 kiloqram) qızıl medalı boynundan asmışdı.
Yeri gəlmişkən, cüdoçularmız ilk dəfə 66 kiloqram və +100 kiloqram çəki dərəcələrində 23 yaşadək gənclər arasında qitə çempionatının qalibi olublar.
Sonda yığmamız 4 medalla (2+1+1) komanda hesabında yarışı birinci pillədə başa vurublar. Özüdə yığmamızı turnirdə təkcə kişi cüdoçular təmsil edib.