Çempionlar Liqasının pley-off mərhələsinin ilk oyununda Niko Kovaçın rəhbərlik etdiyi “Borussiya Dortmund”un “Atalanta”nı 2:0 hesabı ilə məğlub etdiyi . matçın sonunda Kovaç rəqib həmkarı Raffaele Palladinoya əl uzatsa da, italyan məşqçi bu jesti cavabsız qoyub və sonradan bunun səbəbini açıqlayıb: “Mən etiraz etməyi xoşlamıram, onlar isə ehtiyat oyunçular skamyasında hər xırda detala görə şikayətlənirdilər. Hakim qərarlarının yaxşı və ya pis olmasından asılı olmayaraq, mən onlara işlərini görməyə imkan verməyə çalışıram. Ona görə də Kovaça sadəcə hakimləri rahat buraxmalı olduğunu dedim”.
Niko Kovaç isə həmkarının bu hərəkətinə təəccübləndiyini gizlətməyib: “Mən ona əlimi uzatdım. Nədən şikayət etdiyini başa düşmədim. Dediklərini italyanca söylədiyi üçün gedib özündən soruşmalı olacaqsınız”.
Şayiələrə görə, Palladinonu daha çox “Borussiya” oyunçularının hakimə davamlı təzyiq göstərməsi qıcıqlandırıb. Kovaç isə bu ittihamları zarafatla qarşılayaraq belə deyib: “Biz cənubluyuq, ona görə də vaxtaşırı hakimlərlə mübahisə etməyimiz normaldır. Amma bugünkü mübahisələr həddindən artıq sakit və əhəmiyyətsiz idi”.