Türkiyə Futbol Federasiyasının rəsmi saytı maraqlı xəbər yayıb. Bir müddət əvvəl Avropa Liqasında “Roma”nın 1:0 hesablı qələbəsiylə başa çatan səfər qarşılasmasında ardıcıl üç penalti zərbəsini dəf etməklə adını turnirin tarixinə yazan “Lill”in türk qolkiperi Berke Özer könüllü olaraq millinin düşərgəsini tərk edib. Özer “ay-ulduzlular”ın bolqarlar üzərində 6:1 hesablı inamlı qələbəsiylə bitən oyunda adının iştirak ərizəsinə düşməməsinə üzülüb.
Baş məşqçi Vinçentso Montella qapını qorumağı “Qalatasaray”lı Uğurcan Çakıra həvalə edib. Ehtiyat oyunçular skamyasında isə “Mançester Yunayted”in qolkiperi Altay Bayındır yer alıb. Heyətdən kənarda qalmasından inciyən Özer çıxış yolunu komandadan ayrılmaqda görüb.