Beynəlxalq İdman Araşdırmaları Mərkəzi (CIES) Avropanın “Top-5” liqalarında çıxış edən yetirmələrin sayına görə klubların yeni reytinqini dərc edib. Araşdırmanın nəticələrinə görə, “Barselona”nın məşhur “La Masia” akademiyası siyahıda birinci yeri tutub.

Reytinq bu mövsüm beş əsas çempionatda (İngiltərə, İspaniya, Almaniya, İtaliya, Fransa) oynayan futbolçuların sayına və onların meydanda keçirdiyi dəqiqələrə əsaslanır.

Ən çox yetirməsi olan 10 klub:

Yer Klub         Yetirmə sayı      Ümumi oyun dəqiqəsi

1  Barselona             40            25 076

2  Real                 35            29 439

3  PSJ                  31            18 455

4  Renn                 29            22 599

5  Ayaks                27            16 255

6  Çelsi                25            17 723

7  Real Sosyedad         24            15 115

8  Mançester Yun.        22            15 889

9  Mançester Siti        22            15 034

10 Arsenal              22            14 427

Maraqlıdır ki, kəmiyyət baxımından “Barselona” lider olsa da, “Real”ın yetirmələri ümumilikdə daha çox oyun vaxtı (29 439 dəqiqə) qazanıblar. Bu da Madrid klubunun yetirmələrinin digər komandalarda daha stabil əsas heyət oyunçusu olduqlarını göstərir.