Bu gün Premyer Liqanın 21-ci turuna start veriləcək. Turun açılış matçında futbolsevərləri olduqca prinsipial bir qarşılaşma gözləyir: “Turan-Tovuz” “Azersun Arena”da “Zirə”ni sınağa çəkəcək.

Turnir cədvəlinə nəzər salsaq, bu matçın “6 xallıq oyun” statusunda olduğunu görərik. Hazırda 35 xalla 3-cü sırada qərarlaşan “Zirə”ni cəmi bir xal az toplayan və ehtiyatda bir oyunu olan “Turan-Tovuz” (34 xal) təqib edir. Qələbə qazanacaq tərəf avrokuboklara vəsiqə verən zonada mövqeyini əhəmiyyətli dərəcədə möhkəmləndirəcək.

Günün ikinci qarşılaşmasında isə “Sumqayıt” doğma meydanda “Qəbələ”ni qəbul edəcək. Avrokubok iddialarını davam etdirən “kimyaçılar” üçün bu matç itirilmiş xalların bərpası baxımından fürsətdir. Digər tərəfdən, turnir cədvəlinin alt qatlarından qurtulmağa çalışan “Qəbələ” üçün hər bir xal qızıl dəyərindədir.

17:00 Turan-Tovuz – Zirə

Baş hakim: Rəvan Həmzəzadə

Bakı, “Азерсун Арена” stadionu

19:30 Sumqayıt – Qəbələ

Baş hakim: Fərid Hacıyev

Mehdi Hüseynzadə adına Sumqayıt şəhər stadionu