Son iki turda vacib xallar itirən, hətta autsayderlər qrupunda olan “Qəbələ”yə uduzan Naxçıvan komandası üçün bu oyun əhəmiyyətli idi. Xüsusən də başı üzərini qara buludlar alan baş məşqçi Elmar Baxşıyev üçün “Kəpəz”lə görüş həlledici xarakter daşıyırdı. Daha bir autsayderlə oyunda xal itkisi ona baha başa gələ bilərdi. Lakin gəncəlilər meydan sahiblərinə müqavimət göstərə bilmədi. 7-ci turdan sonra sərgərdan qalan “Araz-Naxçıvan” nəhayət Liv Bona Dea Arenaya qayıtdı və bu dönüşü qələbə ilə qeyd etdi. Coşqun Diniyev və Patrik Andrade hər hissədə bir qol vuraraq naxçıvanlılara qələbə gətirdi. Son dəqiqələrdə komandalar təhlükəli vəziyyətləri mübadilə etdilər və hər iki komanda dirəyi yoxladı.

Premyer Liqa, 14-cü tur

“Araz-Naxçıvan” – “Kəpəz” 2:0
Qollar: C. Diniyev, 38. P. Andrade, 64.