Gazzetta dello Sport 2025-ci ildə Dieqo Maradona stadionunda məğlubiyyət acısı dadmayan “Napoli”yə “Qarabağ”la Çempionlar Liqasının oyununun pley-off ümidlərini yenidən canlandırmaq yolunda vacib bir fürsət olduğunu yazıb. Qəzetə danışan “Napoli”nin baş məşqçisi Antonio Konte belə deyib: “Gəlin “Qarabağ”a diqqət yetirək, bu matçı qiymətləndirməmək olmaz. “Qarabağ” Çempionlar Liqasında kəşfdir, onlar oyuna gərgin temp gətirəcəklər və biz konsentrasiya ilə oynamalıyıq. “Benfika”nı məğlub edib, “Çelsi” ilə heç-heçə oynayıblar, keyfiyyətli oyunçuları var. Sabah Maradonanın vəfatının ildönümüdür (25 noyabr). Ağlıma bir fikir gəlir, ona qələbə həsr etmək xoş olardı. Ümid edirəm ki, bunu bacaracağıq. Neapolluların baş məşqçisi söhbəti belə yekunlaşdırıb: “Avropa iddiamızı qorumaq üçün bizə ancaq qələbə lazımdır. Pley-off-a gedən yol məhz bu oyundan başlayır”.
