“Araz-Naxçıvan”ın baş məşqçisi olan Andrey Demçenko ASnews.kz saytına müsahibəsində komandasının hədəflərindən və hazırlıq prosesindən danışıb. Ukraynalı mütəxəssis komandanın mövsümün ikinci yarısına hazırlığı ilə bağlı belə deyib:
“İşlər qaydasında gedir. Azərbaycanda çempionatın birinci və ikinci dövrələri arasında fasilə qısadır. Burada format fərqlidir, ona görə də komanda ilk yarının son oyununu dekabrın 21-də keçirib və növbəti matçına isə yanvarın 23-nə çıxacaq.
Arxayınlaşmağa vaxtımız yoxdur, tam gücümüzlə çalışırıq. Uşaqlar iki həftə istirahət etdilər, indi isə iki həftəlik hazırlıq prosesi gedir. Qarşımıza qoyulan vəzifə avrokuboklara vəsiqə qazanmaqdır”.
