İsveçrənin dünyaca məşhur SGS şirkəti AFFA-nın Klubların Lisenziyalaşdırılması Şöbəsinin 2025-ci il üzrə fəaliyyətinin auditini yekunlaşdırıb. UEFA-nın xüsusi sifarişi ilə keçirilən yoxlamaların nəticəsi olaraq, şöbənin fəaliyyətinin beynəlxalq keyfiyyət standartlarına tam uyğun olduğu rəsmən təsdiqlənib.
SGS tərəfindən ünvanlanan rəsmi məktubda qeyd olunur ki, AFFA-nın müvafiq strukturu UEFA-nın müəyyən etdiyi sərt meyarları uğurla yerinə yetirib. Bu müsbət rəy AFFA-ya 2026/2027-ci illər mövsümü üçün Azərbaycan klublarının Avropa yarışlarında iştirakını tənzimləyən lisenziyalaşdırma prosesini icra etmək səlahiyyəti verir.
Qeyd edək ki, bu yoxlamalar hər il mütəmadi olaraq keçirilir və məqsəd lisenziyalaşdırma prosesində şəffaflığı və qərəzsizliyi təmin etməkdir.