Donetsk “Şaxtyor”unun baş məşqçisi Arda Turan UEFA Konfrans Liqasında Polşa “Lex”nə qarşı keçiriləcək matçın Türkiyədə, xüsusilə də İzmirdə oynanılmasını istədiyini bildirib. Turan türk xalqından dəstək gözlədiyini qeyd edərək, Polşada oynamaq istəmədiyini vurğulayıb.
Təcrübəli mütəxəssis bu fikirləri “Veres” üzərində qazanılan 1:0 hesablı qələbədən sonra səsləndirib. O, cavab matçının Krakovda deyil, İzmirdə keçirilməsini arzuladıqlarını söyləyib: “Düşünürəm ki, Türkiyə xalqı da bizi dəstəkləyəcək. Polşa komandasına qarşı Polşada oynamaq istəmirəm. Bunun üçün əlimizdən gələni edəcəyik”.
O, rəqibin həm daxili çempionatda, həm də qitə səhnəsində yaxşı deyib. Qeyd edək ki, qarşılaşmanın ilk oyunu martın 12-də Polşada, cavab matçı isə martın 19-da Ukrayna təmsilçisinin meydanında keçirilməlidir. Müharibə səbəbindən “Şaxtyor” ev oyunlarını Krakovda keçirir.