“Barselona”nın və İspaniya millisinin gənc ulduzu Lamin Yamal, “TNT Sports”a müsahibəsində komanda yoldaşı Rafinya ilə meydandakı tərəfdaşlığıdan və braziliyalı ulduz Neymarla olan dostluğundan danışıb.

Rafinya ilə olan tərəfdaşlığı haqqında belə deyib: “Biz bir-birimizin uğuru üçün çalışırıq. Əgər onun aktivində qol olub, mənimki olmasaydı, o, penalti zərbəsini mənə həvalə edərdi. Eyni şəkildə, mən qol vurduğum halda o hələ fərqlənməyibsə, mən də həmin zərbəni ona güzəştə gedərəm. Birlikdə ən yüksək zirvələri fəth edə bilərik, çünki bir-birimizi tamamlayırıq. Bizim tandemimizdə eqoya və ya üstünlük yarışına yer yoxdur, biz bir tamın parçalarıyıq“.

Yay tətilini Braziliyada Neymarla birlikdə keçirən Yamal, bu ölkəyə heyran qaldığını gizlətməyib: “Braziliya məndə çox dərin təəssürat yaratdı, oraya yenidən böyük məmnuniyyətlə qayıdardım. Neymarla bu barədə artıq danışmışıq və aramızda maraqlı bir razılaşma var: əgər yığmalarımız Dünya Çempionatının finalında qarşılaşsa, tətilə yenidən birlikdə gedəcəyik. Finalda İspaniya və Braziliya duelini görmək möhtəşəm olardı”.