“Sumqayıt” futbol klubunun qış hazırlıq planı bəlli olub. “Gənclik şəhəri” təmsilçisi dekabrın 22-də — çempionat çərçivəsində keçiriləcək “Sabah”la oyundan sonra istirahətə buraxılacaq.
Kollektiv 2026-cı il yanvarın 3-də Türkiyənin Antalya şəhərinə yollanacaq. Yanvarın 17-dək Lara bölgəsində məskunlaşacaq “Sumqayıt” bu müddət ərzində üç yoxlama oyununda qüvvəsini sınayacaq. Komanda yanvarın 9-u, 12-si və 16-da müvafiq olaraq Macarıstanın “Paksi”, Serbiyanın “OFK Belqrad” və Xorvatiyanın “Osiyek” klubları ilə qarşılaşacaq.