Azərbaycanın taekvondo üzrə gənclərdən ibarət milli komandası Daşkənddə təşkil olunacaq dünya çempionatına yollanır. Aprelin 12-dən 17-dək davam edəcək yarışda ölkəmizi 15 perspektivli idmançı təmsil edəcək.

Məşqçilər korpusu kişi komandasında 10, qadınların mübarizəsində isə 5 çəki dərəcəsi üzrə seçim edib. Oğlanların yarışında Rasim Xəlilov (45 kq), İlyas Xatəmli (48 kq) və Allahverdi Məmmədov (+78 kq) kimi idmançılar dayanacaqsa, qızlar arasında Ləman Manafova (42 kq) və Gülay Əliyeva (52 kq) da daxil olmaqla 5 təmsilçimiz dayanacaq.

Xatırladaq ki, Daşkənddəki dünya birinciliyinə rekord sayda – minə yaxın idmançının qatılacağı proqnozlaşdırılır.