İspaniya superkubokunun oyunları yanvarda Səudiyyə Ərəbistanında keçiriləcək. Gələn həftənin çərşənbə günü yarımfinalın ilk oyununda “Barselona” ilə “Atletik” qarşılaşacaq. Cümə axşamı isə Madrid derbisində “Real”la “Atletiko” finala ikinci vəsiqə uğrunda mübarizə aparacaqlar.
“Mundo Deportivo” nəşrinin verdiyi məlumata görə, turnirin mükafat fondu ötən illə müqayisədə 3 milyon avro artaraq rekord həddə – 23 milyon avroya çatıb. Bu məbləğ hər dörd iştirakçı arasında göstərdikləri nəticələrə uyğun olaraq bölüşdürüləcək.
Xatırladaq ki, İspaniya Superkubokunun son qalibi olan “Barselona” təxminən 9 milyon avro qazanmışdı. Həmin vaxt “göy-qırmızılılar” finalda “Real”ı 5:2 hesabıyla məğlub edərək superkuboka sahib çıxmışdılar.v