Bugün futbol üzrə ölkə kubokunda 1/8 final mərhələsinə start verilib. Günün ilk oyununda Sumqayıtın “SOCAR Polymer Arena” stadionunda “Şahdağ-Qusar”la “Turan Tovuz” qarşılaşıb. Cütün fovariti tovuzlular sayılsa da, qusarlıların ciddi müqaviməti istisna olunmurdu. Lakin oyunun lap əvvəlində Qusar komandasının qapısına penalti təyin olundu və tovuzluların yarımmüdafiəçisi Ayxan Hüseynov heabı açdı.

İlk yarıda komandaların səyinə baxmayaraq hesab dəyişmədi. İkinci hissə tovuzluların hücumları ilə başladı və tezliklə onlar bunun nəticəsini gördülər. Souza hesabdakı fərqi ikiyə çatdırdı. Bundan sonra itirəcəkləri bir şeyin qalmadığını görən qusarlılar hücuma atıldılar. Epizodların brində qonaqlar cərimə meydançasında qaydanı pozdu və Famil Cavadov penaltidən qollardan birinin əvəzini çıxdı. Oyunun son dəqiqqələrində isə Orucov bərabərlik qolunu vurmağa yaxın olsa da, rəqibin müdafiəsi buna imkan vermədi.