Bu gün Bakı İdman Sarayında basketbol üzrə ölkə kubokunun final qarşılaşması keçirilib. Turnirin həlledici oyununda “Sabah” və “Gəncə” klubları üz-üzə gəliblər.

Oyuna sürətli və üstün başlayan paytaxt təmsilçisi qarşılaşmanın böyük hissəsində liderliyi əlində saxlasa da, son dəqiqələrdə bu üstünlüyü qoruya bilməyib. Finalın son hissəsində əzmkar oyun nümayiş etdirən “Gəncə”, rəqibini 82:89 (21:26, 28:15, 16:15, 17:33) hesabı ilə məğlub edərək turnirin qalibi olub. Bununla da Gəncə təmsilçiləri tarixində ikinci dəfə (ilk dəfə 2023-cü ildə) ölkə kubokuna sahib çıxıblar. Turnirin qalibi qismində “Gəncə” klubu 25 000 manat pul mükafatı qazanıb. Final oyununun ən dəyərli oyunçusu (MVP) adına “Gəncə”nin heyətində parlaq oyun sərgiləyən Cervis Qarret layiq görülüb.

Məğlubiyyətə rəğmən, “Sabah” komandası öz tarixində ilk dəfə kubokun finalında mübarizə aparması ilə yadda qalıb.