“Sabah” basketbolçuları FIBA Çempionlar Liqasının əsas mərhələsində növbəti oyununu keçirib. B qrupunda yer alan komandamız Milli Gimnastika Arenasında keçirilən oyunda Almaniyanın “Alba” klubu ilə qarşılaşıb. Rimas Kurtinaytisin yetirmələri almanlara 76:85 hesablı ilə uduzublar. Xatırladaq ki, “Sabah” ilk oyunda səfərdə Çexiyanın “Nimburk” klubuna uduzmuşdu – 65:93.
Avropa Kubokunun əsas mərhələsində mübarizə aparan “Neftçi” basketbolçuları ilk oyunda məğlub olub. Paytaxt təmsilçisi səfərdə Polşanın “Trefl” komandasına uduzub – 63:92.
