Portuqaliyalı hücumçu Kriştiano Ronaldo ABŞ, Kanada və Meksikada keçiriləcək DÇ-2026 onun karyerasında sonuncu mundialın olacağını deyib. “Mundo Deportivo” Səudiyyə Ərəbistanında keçirilən TOURISE turizm forumunda dünya çeminatında ilk dəfə 2006-cı ildə iştirak edən Ronaldonun müsahibəsindən sitat gətirib: “Növbəti Dünya Kuboku mənim üçün sonuncu olacaqmı? Əlbəttə ki, bu doğrudur, çünki mənim 41 yaşım olacaq və düşünürəm ki, bu möhtəşəm turnirdə bilmirəm… Dediyim kimi, bu andan sadəcə həzz alıram”.
Kriştiano Ronaldo 2003-cü ilin avqustundan Portuqaliya millisində oynayır. O, yığmada 225 oyun keçirib, 143 qol vurub və 46 məhsuldar ötürmə edib. 2016-cı ildə Ronaldo Portuqaliya ilə Avropa çempionu, 2015 və 2019-cu illərdə isə UEFA Millətlər Liqasının qalibi olub.