Bu gün Premyer Liqada 7-ci turun iki oyunu var. Turun ilk görüşü Bilgəhdə olacaq. Burada “Araz-Naxçıvan” “İmişli”ni qəbul edəcək. Hər iki komanda çempionata pis başlamayıb. “Araz-Naxçıvan”ın “Qarabağ”a məğlubiyyəti, “İmişli”ninsə “Sumqayıt”a meydandan kənar səhvə görə texniki məğlubiyyətini nəzərə almasaq, komandalar yaxşı təsir bağışlayıb. Hər iki komanda faktiki olaraq ilk dördlük üçün mübarizə aparmaq gücündə olduğundan intriqalı oyun gözlənilir.

Günün ikinci oyunu isə Zirədə baş tutacaq. Burada yerli komanda “Neftçi”ni qəbul edəcək. “Neftçi”nin hələ də daxili problemlər və qeyri-sabit oyunlar məngənəsində çapaladığını nəzərə alsaq, “Zirə” görüşün favoriti hesab olunur. Daha sabit oyun sərgiləyən Rəşad Sadıqovun yetirmələri bu oyunda qələbə ilə liderlər qrupunda möhkəmlənəcək.

Premyer Liqa, 7-ci tur

“Araz-Naxçıvan” – “İmişli”
Hakim: Cavid Cəlilov

“Zirə” – “Neftçi”
Hakim: Kamal Umudlu